九州溫泉之旅 -- Day 3 (門司港+唐戶市場)

今日既行程係最緊密, 所以—早就要出發, 首先搭7:22 am 既車去門司港, 就係下面顯示的 "特急ソニック10号" Sonic 列車

大家睇下個鐘, 我地 7:00am 巳到達車站等車, 天都未光透.
 


由別府出發

下面呢架就係 Sonic 列車.

呢程車不可直達門司港, 要在小倉轉車. 全程大約 1hr 40 min.
果日搭呢架車, 因訂唔得孖位, 我地 2 人分開坐 ( 其實就只隔條走廊), 我旁邊坐左個日本太太. 起初都無咩特別.  後來唔知係唔係因為我在看旅遊書既關係, 她知我是遊客, 她就變得熱情起來. 最初就請我食朱古力.  然後又請我飲 coffee.  我巳經不停拎頭, 示意唔好.  她就堅持叫 JR 服務員把 coffee 給我.  佢又知隔條走廊果個係我個 friend,  日本太太又請埋佢飲 coffee. 搞到我地鬼咁唔好意思   仲要, 當大家雞同鴨講緊多謝既時間, 我又聽見架車下一站係"小倉".  我地又要落車. 大家在一遍凌亂之下, 同太太講完再見, 就走了.

去到小倉,  等左一陣, 就轉左呢架車去門司港.

呢程車好短, 搭3個駅就到達門司港了.

門司港, 環境好靚, 好舒服,  我好鍾意呢個地方, 可惜我今次留在門司港時間很短. 真係唔夠 !

呢處都有好多人會坐人力車觀光.

我來到門司港, 首先係要去—個我非常喜愛既地方,  每次去日本,  我都會盡量編排, 就係 "魚市場"
今次主打選了下關 " 唐戶市場"  其實就係為了 " 唐戶市場"  我才把門司港行程要改在今天來. 因為 "唐戶市場" 只開每週五,六,日及公眾假期"
就正因如此, 原本我想把門司港放到行程在尾2果日, 待返回博多先去門司港既話,  我就可在門司港留大半天. 可是, 如果要配合"唐戶市場" 開放時間, 又要配合我其他行程.  我最後就唯有調動在今天, 犧牲了逗留在門司港觀光既時間.......

先去唐戶市場, 要在門司港對出的碼頭, 搭呢架 [ 關門連絡船] 船程只有 5min, 390yen.

落船後, 行幾步就會見到呢 2 條雞泡魚. 因為下關最出名就係 "雞泡魚"



基本上, 係碼頭一落船就會見到 "唐戶市場" 沿著碼頭行, 唔駛 5 min 就到達.

其實裡面無咩特別, 都係一個普通既魚市場, 有干貨, 有濕貨. 同埋我最愛既魚生 + 剌身 只不過本人有怪癖. 比較愛行日本魚市場. haha.

行完一輪, 鎖定目標, 揀選了幾款我的至愛. 開餐 !

唐戶市場有關參考資料 :

食飽飽, 爭取時間去 Shopping

終於找到了,  我個老友記 Monchhichi. 仲要係門司港限定, 一定要帶佢返屋企啦.

黎到門司港, 就一定要同蕉人影相留念. 唔係, 點算去過門司港呢?

係蕉人位置一帶既廣場, 好熱鬧. 可能今天是 Sat,  好多日本人都出來玩.  我地見到有燒蠔賣.  見 d 日本人個個都排隊買, 我地又排埋一份, 唔好蝕底麻.

我地買左三隻, 真係好正 ! yummy.

再行入 d, 入面仲熱鬧, 好多攤檔. 好似開嘉年華會一樣. 高興.

廣場對出, 環境好舒服, 假期出來行下, 確實relax ! 令人可忘卻煩擾

當日, 呢處好熱鬧, 裡面有好多攤檔, 排住隊入去.  但因我地沒有時間,  無行過去睇, 唔知裡面到底搞咩?
後來, 第二朝睇電視, 才知道原來門司港當日搞 "蠔祭" 如果早 d 知道. 應該會入去八一八

來去匆匆, 食完蠔,  我地都差不多要趕去睇 "九州鐵道記念館"

九州鐵道記念館 -- 優惠券

超爆笑,  由於出發前, 曾經見過 d Blog 寫, 話個九州鐵道記念館好細, 無咩野睇.(我成日以為只得幾架車比人參觀).
再加上果日實在太趕. 所以快閃式, 只係入去影完幾架車就走了..........
點知返到 HK, 打開當時入場買票後, 由票務員比我果張簡介. 才知道原來仲有一邊室內展館無行過. 仲有記念品賣添.  真係激鬼死我.

呢架車, 唔知當年是否真係可以坐佢去 "門司港" 呢??

睇完鐵道館, 巳經差唔多時間要趕下場. 係車駅,  四處影一下,  就要同門司港講 bye-bye 了. 不過, 如果再有機會去九州. 我一定會再來. 門司港, 等我啊 !

請待續 - Day 3 / part 2.