九州溫泉之旅 -- DAY 2 (由布院)

今次係博多, 住 Hotel Sunroute Hataka. ホテルサンルート博多. 包朝食, 但得兩款揀. 味道都 OK . 不過日日食就有 d 悶囉 (surprise)

今日主打 : ゆふいんの森, 架車好靚. 呢架車都唔駛多介紹. 因為我見好多 Blog 友巳經介紹過. (kiss)

一場黎到, 我就梗要買返 d 記念品比自已開心下. haha..... 仲有 JR 服務員幫我們拍記念照. (rock on!)

車程大約 2hr. 沿途風景都好大自然. 今次除左係溫泉之旅, 我覺得都係一個親親大自然之旅. (party)

終於到站 ! 天氣就麻麻地, 落毛毛雨..... 好彩唔算大, 都唔駛擔遮. (cowboy)

踏出車站. 第一眼就見到就係呢條街. 可能出發前巳在好多 Blog 都見過. 所以去到個刻, 覺得好熟面口. 跟住四處望下, 見到有小店可寄存行李, 放底行李, 小店裡面果位小姐, 佢比左張由布院地圖我. 今行去由布院, 我主要目的是想試日歸溫泉. 出發前巳做定功課, 在由布院溫泉觀光協會網頁揀左心水幾間. 當打開地圖望下, d 溫泉旅館位置都分散得好遠, 又唔想下冤枉路. 就梗係問下果位小姐點行啦, 但發現想去果幾間路程都幾遠路, 而且, 又凍, 又毛毛雨. 最後問小姐, 如果搭的士要多少錢, 佢話我知約 600yen 左近. 所以最後搭的士去浸溫泉. (big grin)

我最後就係選了呢間溫泉旅館 -- " 柚富の郷　彩岳館"

日歸溫泉好抵玩 600yen. 我仲包場 (無人). 所以偷影. (千祈唔好學啊 ! )
望住果個我唔知係唔係 "由布岳" anyway, 總之, 個 feel 好正 ! (batting eyelashes)

浸完出黎. 我仲係旅館內四處參觀左一陣. 呢間旅館都幾靚, 幾舒服. 如果有機會. 下次都可考慮下住一晚. (silly)

離開之前. 叫旅館店員幫我地 call taxi 返回溫泉街行街街 & lunch. 由布院 d 鋪頭都各有特色. 好得意. 一邊行, 一邊要去搵食. (winking)

行下,行下, 當見到 B-speak, 正想入去買件人氣蛋糕試下啦. 點知, 真係名不虛傳, 我咁遲.... 已經係下午 1點多, 當然 "終了" la !
由於好想試 "割烹" -- 食地雞 / 豐後牛. 據資料顯示, 見到 B-speak 街口轉右行 10min 就到. (big hug)

咁就繼續行.......... 行行下, 唔多對路, 由 B-speak 轉入巳經行左, 差唔多半個鐘, 再睇下張地圖, 對下位置, 點解距割烹咁遠架 ?? (d'oh)

唔知去左邊.......... 唯有行返落

B-speak 四處再望下, 因為巳經好肚餓, 正打算找唔到既話, 就只有改食其它 (drooling)

點知正想放棄既時候.
就見到一個唔起眼既指示牌寫上 " 割烹 ". 沿路走多 5min 左右. 終於到達. (applause)

推開門, 見到一個嬸嬸看鋪. 可能我行左太耐. 巳經唔係 lunch time, 入到去只得一檯食客.

但呢間 "鄉土料理店" 好地度, 我 like !

我就係坐呢張檯 (係被爐), 平時淨係睇電視先見到. 估唔到今次可以自已坐係度食野. yeah. (laughing)

開餐啦......... 超好味. yummy !! (drooling)

食飽飽, 開始出發 "金鱗湖"
呢程路行左 30 -40 min. 但勁凍......... 途中遇上佢. 佢好似假的. 我望左佢差不多 5 min. 佢都唔郁 ?! 但後來回程時, 又遇到佢, 發現佢個 post 轉左, 我才確認佢係真的. haha.......

"金鱗湖" 好靚, 好靚 x 100. 唔識形容. 但最可惜, 當我地欣賞緊呢個絕景時. 忽然, 有一班旅行團殺到. 仲要鬼死咁大聲, belibala 嘈住晒 ! 唔駛我多講, 大家都知, 又係我地偉大祖國既同胞啦......... 真失禮. 破壞晒這遍寧靜........

"金鱗湖" 旁邊, 還有呢幾隻小朋友. 好 cute. (rolling on the floor)

離開 "金鱗湖" 沿途見到呢間迷宮館. 如果早知佢同豊後高田既 "不可思議美術館" 合拼了. 我就去睇啦. 而加有 d 後悔添...... (worried)

睇完金鱗湖, 都差唔多要趕車去別府, 加上果日都好凍. 原本想搵 "貓屋敷" 睇下貓貓野. 但係地圖見佢距離 JR 駅都有 d遠路. 所以無去到. 沿途返JR 駅, 有個檔口, 檔主養左隻黑貓, 好靚, 好乖. (devil)

離開由布院前, 影下個車站留念, 呢個車站, 好有特色. 好鍾意 ! (love struck)

我就係搭紅色果架車去別府.

黃色呢架, 起初以為是停在車站, 車站人員專用, 但原來都會接載乘客. 好細架, 好玩具 !

話咁快, 1個鐘多 d, 就去到別府. 呢晚原本想住 Beppu Station Hotel 別府ステーションホテル, 因為撞o岩 SAT, Jalan / 樂天都 book 唔到. 連send email 到酒店都話 FULL 晒. 所以訂左另一間叫 Beppu Daiiti Hotel, 別府第一ホテル, 呢間酒店, 係我呢個旅程中最平, 不過又係最細 & 最舊的一間. 不過佢雖然舊&細, 但都唔算太差. 服務都幾好, 而且都算五臟俱全. 最重要是近 JR 駅. 因為跟住 2 天, 行程緊密, 又要一早出發, 一定要住近JR 駅.

Day 2 -- 豐富晚餐.