九州溫泉之旅 -- DAY 4 (別府八地獄)

九州溫泉之旅 -- DAY 4 (別府八地獄)

今日行程都非常緊迫, 一早起身, check out 寄存行李係 hotel, 大約 8:30am 就要出發去別府 JR 找間總合觀光案內所買"地獄觀光 Tour"既票.  因為今日第一個行程就係 Join local tour 遊地獄.  雖然知道去別府八地獄, 搭巴士去都唔會太困難. 但因為我下午要趕住時間要離開別府.  為了時間上掌握得好 d, 最後決定 Join tour. 『地獄めぐりA観光コース』 感覺都唔錯. 3600 yen / 位. 包車包入場費.  全程大約 2-1/2 hr.  大家有機會也不彷一試.  唯一只是全程唔知導遊小姐講咩囉 ?!  不過佢出發前巳知我倆是 HK 人, 全程都有留意我地. 唔知係唔係怕我地迷路 ?

如果選擇自已遊八地獄. 可往以下網址 download 入場券的  10% 割引券
http://www.beppu-jigoku.com/waribiki.htm

PS : JR 裡面的總合觀光案內所 -- 位置在東口出口附近. 好易搵.


買完飛, 轉出 JR 門口右邊就可以出發, 稍等一會, 旅遊車就到達,  排隊上車.

我買左頭班車,  8:45am 從別府駅出發. 上車前,  與導遊小姐合照留念. 佢好專業, 時常都四萬咁口. very nice.  上車後, 佢仲唱歌, 我見 d 團友好開心. 大約坐左 20 min or 30 min 左右.(實際時間唔記得 lu)  就到達 " 別府八地獄"  !

第 1 站 : 海地獄

入到去, 四週圍都好似仙境, 煙霧彌漫...........  沿途有鳥居,  環境唔錯.

第 2 站 : 鬼石坊主地獄

行行下, 見到好多貓貓. 應該係 d 鋪頭店主養的. 唔似流浪貓.  因跟 tour, 唔可以留底玩貓貓....... 要跟住導遊小姐急急腳行去下一站.

第 3 站  : 山地獄

呢個地獄,  最多野睇,  除左煙霧彌漫之外,  主要有河馬.  隻河馬好醒, 一聽到人聲,  原本訓緊覺, 背向觀眾, 都馬上轉身. 睇下..............

話咁快, 佢就轉到觀眾面前,  馬上張開口, 佢好似知道遊人一定餵佢咁. 真醒 !

然後, 呢處還有其他動物, 雀鳥. 有 d 似小型動物園.    可能因為跟 tour 有時間限制, 我見導遊小姐, 行得好快, 我地都係快 look, 快拍.

第 4 站 : かまど地獄

呢個地獄, 唔知係咩化學反應.  來到這裡, 會有工作人員, 負責用煙仔, 吹 d煙落去,  就會有變化. 下面果個, 仲會變色添.

行到呢到附近, 仲有好多足湯,  手湯, 係免費.  如果自已來, 可以試下.  同樣, 我跟 tour. 導遊小姐, 又趕住下一站. 就當然試唔到啦.

第 5 站 : 鬼山地獄

呢度有鱷魚睇,  工作人員仲餵雞做表演.

第 6 站 : 白池地獄

遊完以上 6 個地獄. 就要出停車場等車, 再去另一邊, 完成最後 2 個地獄.

第 7 站 : 血の池地獄

呢個地獄,  有名你叫 "血の池" 真係成個都是紅色 !

仲有呢幾張休息用的石頭櫈. 好得意.

第 8 站 : 龍卷地獄

話咁快, 去到尾站. 龍卷地獄.  這處特點,  就係每隔一個指定時間, 就會噴一次水.  導遊小姐, 當然計好時間. 我地到左, 唔駛 3 min, 就噴出來

當日, 遊人都唔少........


附近環境都幾好架, 鳥與花香.  池中錦鯉好靚. 日本人真的好喜歡錦鯉.  四週圍都會有見到.

遊完龍卷地獄, 我地返出停車場,  導遊小姐點齊團友.  就開車送我地返別府 JR 駅下車.  這個半日 tour 行程 就此結束！

後記 : 個人意見, 其實跟 tour 遊地獄都係一個唔錯選擇. 
優點 : 第1, 時間上控制好d. 第2, 入到去導遊小姐會帶你順路去睇. 第3, 遊完 6個地獄. 要轉車去餘下2個地獄唔駛等車. 因為我記得, 如果自已搭巴士 check 過 bus time table. D 車都好疏.
缺點 : 有 d 地方真係想睇多兩眼都唔得.  佢真係行得好快. 如果你係想慢慢欣賞每個景點影下相既話,  建議就不要跟 tour 啦.

待續.......下一站: 黑川溫泉.