肥貓偷飲利賓納

當人愛上貓

早排大家都知有套電視劇叫 "當狗愛上貓 ", 講真呢套戲 d 人同劇情就真係麻麻地. 不過這對貓狗主角就幾棧鬼....... 小巴表情多多,  Cancan 就非常可愛........

雖然個結果就認真唔掂, 不過我就覺得最後兩集, 當中有幾幕講隻狗 Bailey 有病快要死, 個主人知道後, 由接受唔到隻狗有病, 直到隻狗死左. 就算有錢都幫唔到佢, 講出果種主人心情就做得幾好 ! (真實生活, 都有唔少主人會遇過.) 同埋結局講羅嘉良就快要死, 小巴又好似知主人要走咁......... 難捨難離.

睇果兩集嘅時候, 個心真係酸酸地..... 果一刻, 當然有想起細佬 B, 除此之外, 我還想起小寶, Jumbo Holiday 佢係我個貓友的寶貝仔, 佢好叻仔, 曾經在好多 cat show 中家貓組攞過唔少獎 , 好威水. 佢仲係我地貓友會之星嚟 .........

 可惜, 英年早逝.

以前, 我唔會明白, 人與動物的感情點解會可以咁深厚. 動物死去, 何必咁傷心. 還會笑人地咁誇張.

我仲記得, 幾年前, 我有個台灣朋友來港玩, 她突然間係酒店聽完個電話大喊 , 起初我以為佢d屋企人有事, 後來, 當我們問過明白後, 才知道她養的貓兒, 突然有急性腸胃病死左,

之後, 我另一個朋友養嘅狗, 養左十幾年, 突然發現有癌症, 幾日後就死左, 佢倆公婆就好似死左個女, 佢個仔就似死個妹一樣..... (亞仔喊到連學都返唔到..........)

到了上年,  由我知道細佬 B 有病, 醫生仲要話無得醫, 直到佢走左, 雖然時間好短好短. 但係果段日子, 每日身心疲累, 痛在心頭感覺. 我才感受到, 明白到之前她們點解會咁激動 !!

細佬 B 走左半年左右,  又聽到 Jumbo Holiday 離開......... 同樣難受. 可能小寶真係好叻仔, 我又同佢主人咁熟, 成日都會見到小寶 d 靚仔相, 加上佢真係好乖, 好可愛, 好受歡迎, 仲記得, 其他貓友聽到小寶走左, 個個都聞者流淚, 聽者傷心 . 

其實同動物相處, 往往比與人相處還要好. 起碼, 動物會真心, 唔會有機心, 唔會呃人, 唔會害人. 最多只係會駛你 d 錢.................. 但當你有左佢嘅時候,  個感覺就會好奇妙, 好滿足 ! 佢會帶比你好多娛樂, 歡樂, 不會寂寞.  當佢心情好,  仲會氹得你鬼咁開心添.

大家來睇下今日特別推介 : 小寶 Jumbo Holiday.

如大家想重溫 Jumbo Holiday 的風采, 可登入以下的 links.

鄉下人貓舍

http://hk.myblog.yahoo.com/dau0124jane/article?mid=500&fid=-1&action=next

http://hk.myblog.yahoo.com/dau0124jane/article?mid=473&fid=-1&action=next

http://hk.myblog.yahoo.com/dau0124jane/article?mid=469&fid=-1&action=next

http://hk.myblog.yahoo.com/dau0124jane/article?mid=448&fid=-1&action=next

http://hk.myblog.yahoo.com/dau0124jane/article?mid=433&fid=-1&action=next

http://hk.myblog.yahoo.com/dau0124jane/article?mid=347&fid=-1&action=next

http://hk.myblog.yahoo.com/dau0124jane/article?mid=234&fid=-1&action=next

http://hk.myblog.yahoo.com/dau0124jane/article?mid=221&fid=-1&action=next

 

 

最無儀態小姐金牌得主

有無人估唔估到呢堆黑色毛是什麼呢 ??

再睇真 d ?? 無錯, 下面伸左出嚟果係隻黑手.

再來.... 呢個毛球係 ???

咪就係腳囉 .......... 一隻訓覺訓到, 跌手, 跌腳嘅無儀態貓囉 ......... 唉 !

比大家睇下呢位"最無儀態小姐金牌得主"的側面吖

細佬 B 離開的日子....

時間過得很快....... 很快......... 轉眼間, 細佬 B 已經離開我家一年了........

去年 8 月 12 日, 又無奧運睇, 對大家來說可能是一個普通日子, 但對我來說, 真的不好過. 是一個又傷心又痛的日子.

雖然, 今年家中沒有再多添新成員.  肥野哥哥與黑妹比比, 托賴都健健康康. 雖然在家中我唔能再見到細佬跳跳札.  但細佬其實常伴我左右.  我公司檯上有印左細佬樣的月曆咭.  我在屋企上網, 細佬的花園皇國 (放牠骨灰的櫃), 又在電腦檯旁. 所以細佬 B 根本沒有離開我.

願細佬永遠快樂 !! 來世做隻無病無痛, 健康強壯的貓, 有緣的話, 與我再續未了緣...............

 *** 大家一齊來估下, 邊一隻才是細佬 B  ????

 以下這個便是細佬 B 的花園皇國

大家可到以下內容, 查看多一點細佬 B

http://hk.myblog.yahoo.com/gr-cat/article?mid=30

http://hk.myblog.yahoo.com/gr-cat/article?mid=31

http://hk.myblog.yahoo.com/gr-cat/article?mid=51

http://hk.myblog.yahoo.com/gr-cat/article?mid=121

http://hk.myblog.yahoo.com/gr-cat/article?mid=64