九州溫泉之旅 DAY 5 (黑川溫泉, 熊本)

尋晚浸過溫泉後, 自然好好睡 (sleepy)

今朝天都未光透, 就起身. 打開窗, 外面環境帶給我一遍寧靜舒服既感覺 ! (smile)

係房 hea 完一輪, 就同自已講, 既然醒了...... 不如去浸過早湯. 醒一醒神 (thumbs up)

於是就出發...........

浸湯後, 天開始光, 呢個清晨景, 我覺得係最靚. 企係呢個位, 睇左好耐. 先至返房.......... (tongue)

上房後, 又 hea 下, 抖下, 打開窗, 四週圍望下, 輕鬆下........

話咁快, 又到早餐時間, 今次唔係自已房食, 旅館另開一間小房間比我地朝食. 而且, 仲係獨立得我地兩個, 好有私人空間. 唔係餐廳. 好鬼正 ! (applause)

呢杯奶, 話係亞蘇牛奶, 好滑好味..... 不過就少 d 囉, 一啖就比我飲晒喇 ! (big grin)

呢個朝食份量不算多, 不過都食得飽. 但印象中, 不是太出色. 之前一晚既晚餐正好多. (drooling)

早餐過後, 回房再抖一下, 我地就爭取時間, 再多浸湯一下. 因為呢間旅館, 有好多唔同既貸切風呂. 尋晚都唔夠時間試. 所以臨走前, 再試多 2 間. (party)

最後, 選了以下兩個...... 當然, 最終都試唔晒旅館內所有貸切風呂.

浸湯過後, 又到check out 時間, 但今日我仍然會繼續留係黑川溫泉玩. 因為我買左 "入湯手形" (applause)

係自已旅館就有得買, 唔駛特登出 "風の舍" 買.

"入湯手形" 真係超抵, 1200yen, 可以浸 3 間黑川溫泉既日歸. 順便可以去參觀下其他旅館. 讚讚讚 ! (thumbs up)

我當然有去齊 3 間啦, 呢個就係我完成既記念品. 今次真係做到浸餐飽. (devil)

不過, 成日除衫, 著衫, 果日真係好累...... (hypnotized)

離開ふもと旅館, 向日歸出發 GO ! GO ! GO !

由於打算繼續溫泉, 為著方便, check out 後, 繼續同旅館外借浴衣四處玩........ (batting eyelashes)

不過, 當天好凍, 講真, 只穿浴衣加呢件棉外套, 真係頂唔緊只得 2-3 度低溫, 果日真係凍到腳震震, 不停流鼻水..... 但死都要頂住! (sick)

當天天氣很好, 陽光普照, 踏出溫泉街, 週圍環境好舒服, 好喜歡黑川...... 有d 古味, 又鳥雨花香. 令人醉心...... 總之..... 超like. (thumbs up)

黑川四週圍有好多貓貓 (devil)

..... 好可愛. 呢隻我當日第一個遇上. 超 cool ! 同我家少爺有得輝 ! COOL CAT.

到達第一站, 離自已住旅館最近既やまびこ旅館.

仙人風呂, 真係唔錯. (cool)

比大家睇下仙人風呂, 襯無人, 拿拿聲偷影一張留念......

浸完出來, 仲買下野. (tongue)

呢間旅館都好大, 最初都有想過入住. 入面都幾靚. 見網上評語都唔差架 !
有關やまびこ旅館資料.
http://www.yamabiko-ryokan.com/
Jalan - やまびこ旅館

緊密行程, 爭取時期, 再出溫泉街行下, 睇下, 向下一站出發 .......... (love struck)

見到風の舍. 即係黑川溫泉 information centre.
http://www.kurokawaonsen.or.jp/

找到風之舍, 就到我下一站旅館等shuttle bus既車站附近了. 下一站去邊 ? 就係.... 登..登...登.... 旅館山みず木 (smug)

呢間旅館, 出發前, 從網上見到都好鍾意, 但自已覺得有 d 貴, 所以無揀. 但就覺得一定要去試日歸感受下.
好彩, 出發前, 有個好好既網友 "電占&豆豆" 話我知旅館有免費 shuttle bus來回旅館至溫泉街. 原來呢間旅館離溫泉街都好遠. 如果唔係網友告知, 我應傻更更步行搵, 但應該行唔到去, 而且在半路上應該巳凍到暈左添喇. (I don't want to see)

在此, 再次多謝電占&豆豆, 常常提供有用資料, thanks a lot. (winking)

旅館山みず木有關資料
http://yamamizuki.com/
Jalan -旅館山みず木
去旅館山みず木既shuttle bus 資料 : http://www.yamamizuki.com/guide/yuguide.html

旅館山みず木內既風呂, 環境真係一流. 仲記得當時一邊浸, 直望可以望住流水景....... 唔識形容比大家知. 但真係覺得正 ! (batting eyelashes)

浸完之後, 當然要去下旅館內既茶房. 出發前從網上睇過介紹. 茶房內既軟雪糕好好味. 一於要試下. (big grin)

未入到茶房, 先見到貓貓店長. 佢曬緊太陽 ! (cool)

見到我地影佢. 喵一喵. 望一望. 又繼續洗佢隻腳, 費事理我地.
(laughing)

但佢後來, 見我地繼績搵佢玩, 玩玩下, 佢竟然行埋我張椅處, 跳上黎一齊坐, 超搞鬼. 好 friend 咁. (clown)

由於 menu 無英文, 見圖就點. 叫左呢個小食. 初初以為係煙肉炸薯卷之類. 但實際原來係炸煙肉飯團. 但好好味架. (thumbs up)

而加見到都想再食

呢杯唔記得叫咩奶........ 味道一般啦. 類似奶昔, 無咩特別.

呢個就係見網上推介既雪糕, 都幾滑, 幾好食, 可能又關剛剛浸完溫泉. 食杯雪糕, 就覺特別正啦........ (winking)

總之...... 爽 !

食飽飽......... 搭 shuttle bus 返回溫泉街, 再繼續, 行下, hea下... 四圍睇下, 影下相. 其實好想試溫泉街內既食店, 但太飽, 真係無法繼續食. (tongue)

掛粟米, 係黑川真係家家戶戶都見到, 但掛得好整齊, 又乾淨. 都幾得意. (batting eyelashes)

再行左一陣, 其實, 當時真係凍到腳震震....... (sigh)

拿拿聲趕住去埋 last 一間日歸. 原本想去源流の宿　帆山亭, 但發覺源流の宿　帆山亭應該都比較偏. 無車, 要行, 唔知行幾耐, 真係凍到頂唔順, 唯有, 改去其他旅館. 最後揀左呢間 "いこい旅館"

試左之後, 呢間いこい旅館係我覺得最差既一間 (thinking)

, 雖然佢規模唔細. 但比我感覺太商業味, 而且好多人浸湯, 我自已唔太鍾意. 呢處無左小型旅館或民宿既親切感覺及寧靜 (surprise)

........... 同埋, 可能呢間放到最後, 真係有點累, 果日, 除衫著衫呢個動作, 應該最少做左有 5-6 次 !
所以呢間, 真係求求其其入去浸一浸, 至在cup 個印係個入湯手形木牌上就走喇........... (smug)

いこい旅館有關資料
http://www.ikoi-ryokan.com/
Jalan -いこい旅館

源流の宿　帆山亭有關資料
http://www.hozantei.com/
Jalan - 源流の宿　帆山亭

浸完溫泉, 第一時間, 返旅館換回自已衫 (著返件羽絨) , 見有時間, 再出去四處逛買埋手信, 差不多要離開黑川............

又見到幾隻隻貓貓.... 影下先. 但唔知係咪真係好凍, d 貓貓都唔願郁, 企定定比我影. (party)