Hi, 大家好, 我肥野返來開工嘞.
由於媽咪去完日本之後, 要借我個 blog 介紹一吓日本遊記.
所以我與大家暫別了一段時期. 而加, 等我肥野介紹一吓, 我近日嘅心愛玩具.
就係我圈住左嗰隻超好玩的蝴蝶啦.
好玩指數 : 12 分 (滿分為 10分)
點解多左 2 分 ?? 因為係好玩到爆燈囉.
我加陣日日都要玩吓佢, 妹妹又要爭玩. 所以媽咪通常和我哩入房玩. 妹妹無得玩, 亞妹會係房門口叫到拆天咁, 好鬼煩.
但媽咪話貓地勁快玩爛蝴蝶, 你地大家對比下蝴蝶個樣, 上面圈住是原有面貌.
下面嗰個巳經係大約玩左十日後嗰個樣. 
以下呢個就係, 去到上星期蝴蝶嗰個樣啦.................... 而加 ??
大家見到蝴蝶, 周身傷痕累累, 就知貓地幾愛撲蝶啦.........
特別呼籲 : 媽咪現誠邀各方好友, 如有人去東京的話, 請到新宿 Tokyu Hands 代購以上蝴蝶. 請大家幫幫手, 幫幫我肥野 la......
唔知大家仲記唔記得, 我先前講過去上野買零食, 係我用得最多錢嘅一個環節呢 ??
我無欺騙觀眾, 大家睇下, 我真係買左成個喼都係零食嚟 !! 哈 ! 哈 !
大家見到呢個肥背脊, 就知係巳返到屋企, 肥野係度幫手開喼分禮物啦 !!
肥野話 : 媽咪, 點解全部係人食嘅 ?? 又話買貓零食比貓地 嘅??
日本之旅, 手信全面睇.
夾公仔 + 迪士尼戰利品.
肥野話 : 到啦, 係買比貓地嘅日本玩具啊.
稍後有試玩報告.
呢個係即食嘅豚肉, 類似 smoke hem, 上機前係 supermarket 買, 都好好食. 入口即溶, 肉質鬆化.
仲有超低能, 要買杯麵添.
仲有超 大 粒, 金時紅豆. 日本紅豆好味 d.
最後, 呢盒紅豆糖又係好好食, 係日本買翻嚟.
但原來 HK 吉之島和 Sogo 都有得買 ........... Anyway, 真係好食, 有機會大家都買一盒試吓吖.
嚟到 Day 5, 要返 HK la. 好唔捨得離開,
由於想舒服一點, 我地決定搭 Airport Limousine 出機場.
雖然嗰日搭 5:50pm 飛機返 HK , 但不想時間較得太緊迫, 我訂左 1:00pm 巴士離開酒店. 變左 last day 餘下係新宿的時間就非常短. 為著要最後衝線, 唯有早點起身, 食多兩餐, 再去 supermarket 掃多一次, 多買一 d 美味食品, 
去到日本, 除左壽司, 拉麵之外, 不可少嘅, 梗係烏冬啦, 日本嘅烏冬又係好好食, 又彈牙, 雖然無咩餸. 但也讚口不絕. yeah !
食完烏冬, 行左一陣, 就要去食 "金太郎" 海膽飯.
呢個海膽飯, 嚟到新宿嘅第一日, 巳經好想去食, 但日日都無停口, 最終等到 last day, 點都要排個時間放佢落肚.
食後感 : 都OK, 值 8分. 而且夠大碗, 1500yen, 抵食.
食完海膽飯, 都差不多 11:30am, 又趕住去 Supermarket. 但路過商場時, 又見到龍蝦湯, 呢個湯, 落機嗰日行過嘅時候, 巳經好想買, 但嗰日落雨, 又無帶遮, 又拖住個喼, 所以放棄左, 當我們再一次見到佢, 雖然好飽, 但死都要買一個外賣, 試一試........
味道........... 一般啦, 同濃味罐頭湯差不多.................
仲有呢個炸豬扒啊.... 我又係好想, 好想食............
可惜, 到最後, 我都排不到時間, 放入我口.
所以, 我咪又同佢影相囉, 唯有記住佢, 下次去新宿時再試 la..........
食完咁好味嘅早餐, 午餐, 再去逛完 Supermarket 之後, 我就差不多夠鐘, 返去酒店等巴士去機場. 原本打算去機場 shopping. 因為出發前, 朋友們告訴我知機場有好多鋪頭行, 但唔知係唔係我個 boarding counter 附近無咩店鋪呢, 
還有, 嗰日係機場, 仲加插左一場小風波, 我差 d 仲返唔到 HK添 ! 
由於, 在 Airline 安排失當之下, 搞到我嗰日心情差晒, 
話雖如此, 但總括整個日本旅程, 除最後嘅機場風波之外, 我都非常滿意.
正所謂: 食得好, 住得好, 玩得開心
yeah !
