肥野 Blog: 東京之旅 Day 5 (依依不捨 -新宿)

嚟到 Day 5, 要返 HK la. 好唔捨得離開, 但始於都要走..........

由於想舒服一點, 我地決定搭 Airport Limousine 出機場.

雖然嗰日搭 5:50pm 飛機返 HK

, 但不想時間較得太緊迫, 我訂左 1:00pm 巴士離開酒店. 變左 last day 餘下係新宿的時間就非常短. 為著要最後衝線, 唯有早點起身, 食多兩餐, 再去 supermarket 掃多一次, 多買一 d 美味食品,

一於將佢新鮮空運返港.

去到日本, 除左壽司, 拉麵之外, 不可少嘅, 梗係烏冬啦, 日本嘅烏冬又係好好食, 又彈牙, 雖然無咩餸. 但也讚口不絕. yeah !

食完烏冬, 行左一陣, 就要去食 "金太郎" 海膽飯.

呢個海膽飯, 嚟到新宿嘅第一日, 巳經好想去食, 但日日都無停口, 最終等到 last day, 點都要排個時間放佢落肚.

食後感 : 都OK, 值 8分. 而且夠大碗, 1500yen, 抵食.

食完海膽飯, 都差不多 11:30am, 又趕住去 Supermarket. 但路過商場時, 又見到龍蝦湯, 呢個湯, 落機嗰日行過嘅時候, 巳經好想買, 但嗰日落雨, 又無帶遮, 又拖住個喼, 所以放棄左, 當我們再一次見到佢, 雖然好飽, 但死都要買一個外賣, 試一試........

味道........... 一般啦, 同濃味罐頭湯差不多.................

仲有呢個炸豬扒啊.... 我又係好想, 好想食............

可惜, 到最後, 我都排不到時間, 放入我口.

所以, 我咪又同佢影相囉, 唯有記住佢, 下次去新宿時再試 la..........

食完咁好味嘅早餐, 午餐, 再去逛完 Supermarket 之後, 我就差不多夠鐘, 返去酒店等巴士去機場. 原本打算去機場 shopping. 因為出發前, 朋友們告訴我知機場有好多鋪頭行, 但唔知係唔係我個 boarding counter 附近無咩店鋪呢, 而且個機場又咁大. 總之, 最後係機場, 我就只係搵到幾間賣草餅店, coffee shop 同埋 duty free. 就無其他野睇............

還有, 嗰日係機場, 仲加插左一場小風波, 我差 d 仲返唔到 HK添 ! 原因咪就係, 我坐嗰架機勁爆, over book 到瀉, 但 Airline 又係咁放人入閘, 去到 boarding 嘅時候, 多左超出起碼 30 人以上. d 人當然勁暴燥, 尤其係香港人仲係度爆晒粗. (包括我都發晒爛咋.) 可惜, 都係雞同鴨講. 搞左好耐, 最後 Airline 出殺手揀, 賠錢, 賠酒店, 賠早餐, 晚餐等等......... 咁先至可以令到部份人願意 delay 到第二朝, 早機才返港. 我地先可以順利返港, 不過架機都 delay 左 30min 才起飛.