09/10 大阪吃喝玩樂 -- DAY 7 (完結篇)去完即食麵發明館, 原本今日想再去 "黑門市場" 食魚生. 但點知........ Plan 定嘅野, 通常都會有意外. 我地竟然返到梅田轉車時. 又無啦啦, 見到好多大割價. 又係個商場內, 最後的血拼. 拼拼下, 見時間不夠, 唯有係梅田食 lunch. 不過呢個 lunch 都好正 !
食飽飽, 又要趕返 Hotel 取行李. 夠鐘出機場. 但我仲要買呢個 "芝士蛋糕 "回港呢間鋪頭好多人, 為左食佢, 排左好耐. 差 d 趕唔到飛機添啊 ! 買完蛋糕, 真係要取行李, 出機場. 真係唔少野啊. 仲超重添. 行程完滿結束. 日本直送零食大放送. 
09/10 大阪吃喝玩樂 -- DAY 7 (日清即食麵發明記念館)話咁快, last day, 今日只得大半日, check out 完, 拿拿聲出發去 "日清即食麵發明館". 係梅田就係搭呢架阪急電車去池田.落車,行一陣就到, 好易搵. 呢個即食麵發明館, 好得意, 都幾好玩, 我就超爆無聊, 乜都影一餐. 參觀完一輪, 我當然要自制一個杯麵返 HK 啦, 
大家認下以下 d出前一丁, HK 有得買架. 好有親切感. 
09/10 大阪吃喝玩樂 -- DAY 6 (環球影城)今日行程 : 全日環球影城. 出發前, 在酒店附近, 搵左間 " 平民化 - 烏冬店".
雖然不是太好味, 但好地道. 好平. 
食完早餐, 就馬上出發, 一到環球影城 JR 站. 一出就會見到好多鋪頭, 招牌. 
行一陣, 就見到入口, 見到 Elmo 歡迎你.入到場, 當然要去指定影相景點 la 必玩 ! 蜘蛛俠 !中午, 有巡遊. 另一個必玩項目, 大白沙 ! 大白沙條龍好長. 好似排左一個多鐘. 
最後, 等到晚間巡遊出來啦. 個人認為 "環球影城" 麻麻地. 本人較喜歡東京 "迪士尼". "迪士尼"玩足一日都唔會有悶場. 果日我在 "環球影城" 因想睇埋晚間巡遊. 焗住要等, 有 d覺得浪費時間囉........ 而且, 場館內又有d舊, 總之, 整體上都覺得一般囉. 早知去半日就得啦. 
