09/10 大阪吃喝玩樂 -- DAY 5 ( Shopping day !)
原先今早 plan 左去大阪城公園觀光, 下午先 shopping 買褔袋. 點知......
一早在地下街, 巳見到呢個情形, 排晒隊, 我地諗諗下, 如果下午先返來,
分分鐘無野買 ?? 所以決定放棄大阪城公園, 加入排隊, shopping, shopping.
買個飽 !
Shopping 真係會令人樂極忘形. 行到累. 又到開餐時間. 今日揀左食 Shabu Shabu. 呢餐超正. 我第一次食河豚. 好甜美.
呢間鋪頭, 無特別找的, 只係到左大阪後, 成日見到佢個招牌, 四週圍都有, 就試下佢啦.
我仲加左個前菜 "我最喜愛魚生" yummy !
食飽飽, 又繼續行, 行下行下, 行到一間雜貨店, 原本只係睇下零食. 點知睇下, 睇下, 竟然比我發現 "Sheba". 可能大家唔知 "Sheba" 係咩??
佢係一種貓糧 (貓零食), 肥野心愛之物. 原本出發前, 我本想在樂天或大阪的寵物店訂購, 送去酒店的. 因新年假期, 我在大阪日子, 剛巧唔送貨, 所以巳打消念頭. 唔買啦. 
現竟然被我搵到, 點可以唔買呢 ?? (因日本買此糧, 價錢比 HK 平宜一半).所以, 我地買了 30 盒回港. haha !!
買完貓糧, pack 左兩箱, 當然要返酒店啦. 放低左, 我地再去 Shopping ! 果日全日都 Shopping !
Shopping 完, 我地行左返心齋橋筋, 搵野食. 然後又求其入左一間居酒屋食晚飯.
食完飯再行下心齋橋筋附近, 發現原來今早買貓糧果間雜貨店,
原來是 "激安の殿堂"
下面呢間鋪頭, 就係中午食 Shabu Shabu 嘅鋪頭. 好味道, 要認住呢個四眼佬
沒有留言:
張貼留言