今日我肥野 打算同大家介紹一下澳門及杭州, 雖然呢兩個地方唔係什麼明勝, 不過我覺得以下幾張相都幾靚, 所以同你地分享.
呢度唔駛我多講, 大家應該知道係邊間賭場啦. 成個招牌都見到 la.
而呢道就係....... 你地估先啦 ...................
估唔到 ?? 呢道其實係一間酒店黎, 好靚. 但我無住過. 只是路過拍照咋.
呢道無咩特別, 只是一條澳門街, 相信大家去過澳門的話, 都有走過...........
係啦, 話咁快我地就去左杭州啦. 無錯呢到就係人人話去杭州必定要去的西湖 la.
秋天的西湖真係好靚呀 ?? 呢d 相就係9月份的西湖呀. Do you argee ??
其實呢做人像有明堂, 不過我唔記得左叫咩囉......
呢間麥記係唔係好特別呢 ?? 唔會紅當當 !!
係啊, 你真聰明, 佢都係在杭州的.
呢個咁靚的蛋糕, 大家一睇就知係同我肥野 ( 加菲) 慶祝生日啦 !! 不過巳經係兩年前 la ..........
我今年生日仲未到, 到時睇下媽咪會唔會買靚靚蛋糕給我啦...........
而呢個朱古力半波蛋糕, 你地都應該估到, 唔係比我同妹妹 (黑色野) 啦, 因為我地 d 貓貓都唔食得朱古力......
呢個蛋糕你地可以當佢係 display only !!
呢個咁平凡的蛋糕. 一 d 都唔襯我肥野, 所以我無食過.
嘩 !! 係唔係好正呢 ?? 呢個係我地貓貓同鄉會聚餐. 你地都可以報名...... 會費每年好平, 9800咋 !! 歡迎查詢.
唔好以為我響呢度買廣告, 呢 d 只係媽咪上次去澳門, 費事輸晒 d錢去比梁朝偉 (星際). 所以唯有去買手信啦.......
你唔好以為呢餐係食魚生喎, 其實呢個只是頭盤黎咋................ 係唔係好美味呢 !!!
Hi !! 好耐無見. 我肥野今天要同大家講一件真人真事的 動物界醜聞 !!
話說我肥野有個朋友仔, 佢係一隻喜瑪拉雅貓, 因為太瘦, 在短短兩/三月, 就跌磅差不多輕了三磅. 佢媽咪擔心之下, 咪帶佢去睇醫生囉. 點知去錯個黃綠醫生到, 果個死人頭醫生, 見到我朋友仔, 模下佢就亂話佢個腎有事, 又話佢脫水. 然後仲叫佢媽咪要同佢馬上做驗血測試, 話係大件事喎 !!! 我朋友仔媽咪當然馬上聽佢講, 抽血驗啦, 等到報告出嚟之後, 個死人醫生仲話我個朋友仔的報告, 血小板指數只得零. (但一隻正常的貓, 應在 175 -500之間), 然後同我朋友仔個媽咪講, 佢現時情況非常危險, 不可弄傷, 因一有傷口的話, 就不能止血. 而且要盡快做手術, 輸血比佢......... 否則.....................
正當呢位貓貓主人心亂如麻之際, 我媽咪的電話便響起, 因位這位主人不知如何做之時, 便想起我媽咪, 問我媽咪現在應該怎樣好?? 同埋這位主人當然想找個好醫生啦 !!
由於要輸血這麼大件事, 媽咪當然不會輕率地處理啦. 而且輸血仲要找另一隻又強壯又健康的貓幫手的. 好彩呢隻喜瑪拉雅貓有隻巨貓細佬 (有17磅重). 所以我媽咪幫手打電話問左一些養貓經驗長一點的朋友意見後. 再介紹左幾個醫生比呢個主人去查問, 按現時報告顯示, 是否一定要輸血 ?? 同埋呢個病到底是什麼病名呢 ??
** 因為個黃綠醫生, 從來都講不出病名 !! 而且我地對份驗血報告好有疑問. 因為我朋友仔, 好精神, 又食得.
終於, 這個主人聽了我媽咪意見後, 帶左隻喜瑪拉雅貓去看另一個醫生. 當這個醫生看見先前份驗血報告後, 及見到隻貓的精神, 再與這隻貓檢查之後. 就好肯定的說, 根本沒可能血小板指數只得零, 因為如果隻貓血小板只得零, 隻貓應該接近死亡, 絕對不會眼仔碌碌的 !!! 經這個醫生查証之後, 原來 我朋友仔只是腸胃敏感, 唔吸收. 所以跌磅, 雖然佢而加都要食藥同打針. 但起碼唔係好似個黃綠醫生講到好似絕症咁吖. 好彩呢個黃綠醫生果間診所無得做輪血啫. 唔係, 我兩個貓貓朋友就凍過水啦 !!
你地話吖 !! 果個咁嘅黃綠醫生, 簡直係想害死我地 d貓啦, 完全唔理我地條命, 又唔理主人感受....... 我朋友仔個媽咪擔心左兩日無訓覺 !!
我講左咁耐, 係要提醒你地 d 主人, 要醒目d, 唔好亂信 d 無料獸醫, 有事時, 都要冷靜想一想, 或者睇多一個可信的醫生才好為你的寶貝貓貓作任何決定呀 !! 否則, 可能會搞出貓命 !!!
最後 : 緊記唔好去睇個黃綠醫生, 佢位於元朗西鐵站對面, 東X獸醫診所. 並且歡迎大家, 如遇到無良醫生的個案, 上來話比我肥野知, 我一定公告比我 d貓貓朋友的主人知. 叫大家小心 !!
