肥野 Blog: 8月 2007

正當屋企因我的加入, 添加了不少歡樂笑聲
, 我和家姐仔也開始互相打交, 哥哥開始唔會嫌我煩,向我還拖. 媽咪亦比我啲嗲功罧死的時候, 一切皆好.
大家在充滿歡欣的氣紛下渡過了三星期. 這遍歡樂的時刻就慢慢步向消失.

正所謂好境不常, 到了七月初我開始了第一次發燒, 打乞嚏有鼻血噴出. 媽咪就好驚, 帶我去睇第一次醫生, 醫生最初都有懷疑我是 FIP, 要媽咪同我驗血, 媽咪在極焦急及擔心的情況下等報告. 報告出來後醫生告知我無事, 不用擔心. 媽咪當然放下心頭大石帶我返屋企啦.
當我打完退燒針,食完退燒藥之後. 我便回復我的活力, 我就繼續同家姐仔玩呀玩呀. 媽咪當然未完全放心. 媽咪再帶我去覆診, 並且再三話比醫生聽我肚仔比其他 bb 大. 但醫生檢查完之後. 仍然堅持話我無事. 這時候. 媽咪當然開心地帶我返屋企.
在我地全家人豪無介心之下. 一切生活如常,
忽然有一天家姐仔開始發燒肚呵. 媽咪當然好緊張, 立即帶佢睇醫生. 醫生話佢腸胃炎. 同樣打過針,食過藥後, 家姐仔康復, 一樣煩, 一樣百厭.
但我....開始好累, 唔願玩, 仲有肚呵. 媽咪知道大事不妙. 再帶我去睇醫生, 醫生在我肚入面抽出腹水, 告訴媽咪我患上 FIP. 媽咪聽到好激動, 接受唔到.
反覆地問了醫生好多遍. 上次明明話我無事, 點解而加又話係........ 真的無法接受......

媽咪接著再問醫生有咩可幫到我. 但醫生只說無 !! 媽咪最後只叫醫生替我打退燒針後, 就帶我回家.

到了7月29日, 這一天對我們一家人來說是惡夢開始了. 媽咪好唔開心,
但在沉痛的心情下, 仍四處聯絡朋友, 找好的醫生給我, 又不停上網找資料. 媽咪一向不喜歡看文章, 也寧願唔去訓覺, 在網上查看一篇一篇關於 FIP 的資料. 希望可以幫我趕走FIP. 到了第二天, 媽咪又帶我去看另一個醫生. 醫生同樣話我是FIP, 無辨法去幫我. 媽咪再次唔開心,
同埋唯有接受事實. 回家後, 媽咪繼續上網找資料, 望有奇蹟, 轉機... 可是沒有醫好此病的記錄顯示. 到處都是負面答案. 媽咪仍然望著我說, 我地唔可以放棄. 唔要認輸. 叫我要叻仔,要撐住. 我亦用我最堅強的氣力去對抗. 與媽咪一齊開始抗戰. 媽咪亦嘗試餵我食維他命C, 靈芝孢子, 總之, 聽到食咩有幫助都去試. 可是我過了一星期後, 我開始無胃口, 身體漸漸變瘦. 媽咪強迫餵我食濕糧, 乳酪.
但我開始巳很怕見到媽咪攞針筒, 同抱我. 因為就係要食藥, 食補充物既時候......... 我好唔願意.
但我又知媽咪想我好. 我唯有在扭計之後, 最終也食下去. 媽咪見我乖乖食完之後, 就會抱我, 摸我, 錫我. 然後放我入籠訓覺. 每日如是, 過了十天, 我無再發燒, 媽咪覺得我精神左, 只是見我肚仔有腹水好重, 同埋無便便, 胃口一日比一日差. 媽咪又四處再找醫生. 想找一個願意幫我抽腹水的醫生. 想等我舒服啲
到了8月11日, 媽咪找到肯抽腹水的醫生. 然後帶我去睇, 雖然醫生最終無幫我抽腹水, 話我腹水不算多, 不用去抽. 另外再比左啲開胃藥, 類固醇給我, 話我食左之後會開胃啲. 媽咪抱著有希望的心情帶我返屋企. 想著我開胃番, 又有精神, 情況穩定就好喇.

可惜........... 到了8月12日, 媽咪起身一見到我, 叫我數聲, 我也無法自已回應佢, 她知不妙, 媽咪立即抱起我. 我巳全身無力.
不知何解 FIP 的力量是這樣大, 一天之差, 竟令我的情況嚴重變壞. 可以說去到絕境
媽咪立即餵我食藥, 想我食藥之後, 可以自已食野, 補充體力. 但一切唯時巳晚. 雖然媽咪仍然在我反抗下餵左藥比我食, 但藥力對我已無效, 我爭扎著要落地行. 但我如何出力, 我都無法可用自已四肢去行, 只能爬爬下. 媽咪見到後, 我聽到媽咪喊, 大聲叫我唔好行啦, 你去邊, 我抱你去啦. 然後緊緊的抱著我, 摸我, 媽咪的眼淚很利害的沖出來. 我好想叫媽咪唔好喊. 但我不懂怎樣去令媽咪知道. 連我一向同媽咪溝通的眼神, 我都無力去動.

此時媽咪好茅盾, 又想帶我去睇醫生, 希望醫生幫到我. 但又知如果醫生見到我這情況, 醫生必定話送我走. 媽咪, 肥姨姨商量左一陣, 最後決定帶我去睇醫生. 媽咪不停叫我頂住. 又幫我抹鼻水. 到達醫生處, 又要等很久. 媽咪繼續叫我撐落去. 但我真的好累, 抖氣都很困難. 等了差不多一個鐘, 終於見到醫生. 醫生見到我情況, 話我突然變得好壞, FIP 的病毒入侵我身體破壞很強, 我出現脫水. 醫生再次叫媽咪比我走,
或者試替我吊鹽水, 打葡萄糖水入血管, 但這樣做的結果沒有人知可否令我好轉, 更不知要留醫多少天. 我又見到媽咪的眼淚沖出來. 經過媽咪,肥姨姨再商量後, 她們就算幾不願意下, 最後都是選擇了比我去訓覺.
媽咪知道要作出這個決定, 對媽咪自已來說, 會是很痛很痛.... 很唔捨得的. 但媽咪更不忍心再見到我受苦.

在醫生幫我打最後一支針之前, 媽咪一直抱著我到最後一刻, 模我, 兩行眼淚不停地沖出來, 不停地同我講bye bye. 縱使媽咪如何不想我離開, 但對只剩餘奄奄一息的我. 媽咪也不能不放手. 不管怎樣, 我知道在媽咪心裡永遠都會愛著細佬B

2007 年 8月 12 日, 細佬 B走了..........

大家好 !! 當大家見到我呢個 Blog 時, 我巳經離開了大家很遠, 很遠..............

首先我自我介紹一下先
!! 我叫小虎 Tiger, 媽咪通常叫我做細佬 B, 我係肥野加菲同黑色野比比嘅細佬. 但我巳經離開左大家.............. 我係被可怕, 無情的FIP 帶走了.
雖然我離開左屋企, 但媽咪話我永遠永遠都係屋企的一份子.

雖然我走左, 我仍然想同大家分享一下,我短短的貓命歲月.
我只能活著不到 150 天, 與媽咪共渡的日子, 更不到兩個月. 我返媽咪屋企時, 我剛剛三個月大, 我屋企有媽咪,肥姨姨, 哥哥, 姐姐, 媽咪好惡, 全屋話晒事,
肥姨姨, 好錫我地,
仲有肥野哥哥好 cool,
黑色野家姐仔好熱情.
我知我返屋企前, 媽咪巳為我準備一切地歡迎我加入.
我仲記得我第一天返屋企. 原本媽咪話來接我的, 但後來肥姨姨話我大個仔了, 可以自已搭的士去媽咪到, 而且這天媽咪又要開OT, 所以只得肥姨姨在屋企等我. 可能我太緊張, 仲有啲暈車浪關係啦, 我居然呵左臭臭,
當肥姨姨一見到我, 我就做左帶金回家的男主角喇. 接下來, 肥姨姨梗係幫我洗白白啦.......

當洗完白白之後, 媽咪返到屋企見到我, 我當然同佢 say hi 啦,
我係擦鞋仔麻.... 由於媽咪怕哥哥同家姐仔蝦我, 就將我地分開, 我在書房, 佢地係廳玩. 只有我陪媽咪, 媽咪又陪我.

肥野哥哥同黑色野家姐仔初初唔係好接受我呀 !! 可能我太靚仔啦.
我仲記得家姐仔時常行來我間屋(個籠) 旁邊, 惡我, 嚇我 !!
但我無理佢. 而亞 cool man 哥哥, 就成日在書房門口偷望我!!
直至我返屋企後一個星期. 媽咪終於放我出廳跑. 我當然勁開心, 勁玩啦. 實行要翻轉屋企. 成屋人都怕左我. 我一踢波, 媽咪就叫我做朗拿甸奴. 因為我真係好勁 !!!
我又鍾意飛身撲去哥哥同家姐仔處, 佢地仲會叫到 vivi 、呱呱. 總之, 好好玩啦 !!