2009年11月13日 星期五
Happy Birthday to me........
話咁快 ! 又一年, 媽咪話我大個仔啦, 今年 5 歲.
媽咪叫我出來影相, 同切蛋糕,
不過, 今年媽咪買左個樹杆蛋糕, 雖然我唔食得,
但個蛋糕都幾靚, 襯晒我, "靚仔 Be "
媽咪仲買左 Blue berry Cheese cake 添, 聽講好好味o架.
2009年10月7日 星期三
再度登場
自從媽咪上次由東京買了這個玩具比貓地玩, 貓地就非常喜愛,
可到以下條 link 查看証據 !
http://hk.myblog.yahoo.com/gr-cat/article?mid=485&prev=497&next=476
媽咪知貓地非常喜愛這個玩具, 終於托到朋友從東京再度買回比貓地玩. 仲有新款添, 好開心........ Happy Happy !
2009年6月20日 星期六
2009 澳門美食遊
其實近呢幾年, 我每年都有去一次澳門, 所以今年巳無咩參觀賭場了.
但邊有咁鬼易, 係就發左達好耐啦 ! 
話明係美食遊, 當然主要是去搵好野食啦...........
落船後, 未夠鐘酒店房, 先去第一站 : 勝利豬扒包 + 炸雞翼.
呢個豬扒包, 我先前巳經食過, 我個人覺得係最好食的, 所以今次去, 我食足兩日. 正 !!
第一日晚餐, 即是今次澳門之行主打 : 雞煲翅.
不過今次試呢間叫 "禮記", 先前無食過, 只係上網見到佢, 以為好掂, 好正 ! 但係親身試過, 我就覺得麻麻地啦, 我比較鍾意我先前食過另一間叫 "李康記". 我覺得好味好多.............
呢餐除了食翅, 仲有大蝦 & 西芹花枝片. 不過味道都是一般啦.
第一日, 當然要食到盡啦, 晚飯又早食, 質數又麻麻. 去完賭場攝時間, 仲要輸錢, 
去左蔡瀾介紹過間 "細龜" 炒麵. 其實人地鋪頭個名叫做 "華軒美食".
細龜真係會企係鋪頭門口炒麵, 好好鑊氣 !!
不過, 佢 d 野真係幾好食, 價錢都係一般茶餐廳價錢啦, OK 啦 !
因為第二日早上傾盤大雨, 邊到都去唔到 ! 所以留左係酒店食 lunch buffet. 下午又翻兜勝利豬扒包, 同埋食下街邊牛什等等............ "Hea" 到 6 點幾就去左媽閣間 "海灣葡國餐廳" 食晚餐. 先黎一個馬介休球, 都係炸薯波一碟 !
再來, 焗爙蟹蓋. 呢個好得, 個樣又靚, 味道又好, 製作功夫又多, 值回票價.
最後, 仲有一個燒豬肋, 但呢個........... 睇個樣就知唔掂啦, 唔駛我再多講啦.
訂閱：
文章 (Atom)