09/10 大阪吃喝玩樂 -- DAY 4 (天保山海遊館)

09/10 大阪吃喝玩樂 -- DAY 4 (天保山海遊館)

1月1日, 日本新年. 原來佢地都會貼一些類似揮春的畫報. 當日, 一出酒店門口, 就見到附近店鋪貼上以下畫報, 好似仲要休息五日添.......

日本人都好重視新年,  你睇 1月1日, 條街幾靜 ! 個個人都休息.

我 plan 行程時 , 都知 1月1日, 好多店鋪休息.  但我仍然想博一博.  果朝去左 "黑門市場". 想食個 "魚生早餐" la. 點知, 原來真係一檔都唔開架......... 你睇幾冷清 !

無計 la, 食唔到 "魚生早餐",  就求其食個早餐就算啦. 
(求其到,我加下都唔記得左食咩野添 !)

食飽飽, 出發到今日主打地點 " 天保山海洋館"
遠遠見到呢個摩天輪, 就知到啦.

最開心, 就係一到達, 就見到企鵝. 佢地好得意, 肥肥矮矮, 行路又扭下扭下. 見到佢地, 影左好多相. 仲有睇埋佢地個表演. 正 !!

睇完企鵝, 跟著就買飛去睇海洋館. 呢個海洋館都好大, 好似都有 2-3 層. 但無咩特別, 同行 HK 海洋公園的感覺差不多.