東京之旅 Day 4 (上野,秋葉原,原宿,池袋)

 

去到 Day 4 啦, 嗰日天氣很好, 一遍蔚藍天空, 好靚.

嗰日係最後一個 full day 係日本, 嗰日行程好趕, 要去 4 個地點, 一定要快~快~快....... 仲要買~買~買...........

 出發...........

呢度係新宿街頭.

去到新宿 JR 駅, 繁忙時間, 勁多人, 腳步急急, 趕返工.

首先係我個早餐,  吉野家牛肉丼 + 溫泉蛋.

呢個牛肉飯好好味.... 我最鍾意係隻蛋,  返到 HK 無辦法食到.

原本嗰日, 第一站要去上野, 打算食鰻魚飯, 因為想爭取時間, 唔想浪費上午 d 時間, 咪安排一早去上野買手信,  點知, 我去到上野, 大約 10:00am, 但原來我想去食嗰間鋪頭開 11:00am, 所以無得食, 改左去吉野家. 好彩, 日本吉野家, 唔似 HK吉野家, d 野食都好掂, 無令我失望.

醫飽我個肚, 就梗係去我個指定目的地啦,  "二木之果子" 買手信 / 買零食.

呢處都算係我今個旅程中, 花錢最多嘅地方囉.  唔信 ?? 睇落去你就知........

係上野買完手信,  就趕著去秋葉原,  原本打算去睇下 NDS 第二代, 同埋打算去買headphone, 諗住嗰度會多 d 款揀. 但唔知因為我地太趕時間, 無心機行吖 ?? 還是, 秋葉原唔啱女仔去呢 ??

我嘅 comments........ 就覺得下次唔駛再嚟嘞.............. 有 d似去左旺角+深水埗囉

不過佢 d 賣遊戲機的商場,  真係好大,  全層都係賣有關各式各類遊戲機, game碟及配件, 咩都有齊,  睇嚟佢地個 games 市場真係好賺錢.  

我地都唔蝕底,  超低能咁係日本買左個 Wii 手掣返來用 !

呢度我覺得好似 " 鴨寮街" 日本版.  全部都係賣電線, 好得意.

離開秋葉原,  我就趕著去原宿, 其實原宿早兩日巳去過,  所以再無相片提供. 我地只係因為早兩日去唔到 Head porter 專門店, (先前佢休息, 剛考 02/02 日重開). 所以我地趕得及再去走一趟. 但搞到嗰日嘅schedule好趕. (因我原本每日安排三個地點的.)

但最後,  好失望, 專誠去 head porter專門店睇,  諗住會有多 d 靚款. 點知, 揀唔啱. 唉 !!  

在原宿, 來去匆匆之後. 終於到達池袋.

首先, 要去食嗰個像網球咁大的墨魚丸. 但食完之後又有d 失望

個樣就非常得, 但口感勁唔得. 一舊粉.......唉 !

由於個墨魚丸勁唔掂,  我 Shopping 完一輪之後, 就梗係去下午茶啦.

嗰日揀左去食廻轉壽司, 但好邪, 行左好耐, 先找到一間好平民化的壽司店, 雖然質數麻麻.  但好平, 均一價,  碟碟都係 138yen, 有 2件.

唔知係唔係, 早兩日食過 築地 嗰 d 超正 壽司,  所以覺得佢麻麻,  還是我咀刁 ?? 

食完壽司, 繼績 Shopping, 因為嗰日係購物嘅last day, 如果唔係, 到走嗰日, 就無時間買野.  所以要掃貨.  要博命行, 博命食, 博命買.   行行吓 supermarket, 有 chocolate 展, 又做 promo, 仲有雪糕買, 當然要食吓啦........

味道都唔錯, 好香滑.