東京之旅 Day 3 (Disneyland-3)

 

嚟到呢到, 巳經係嗰日嘅尾聲, 到左 19:30, "東京迪士尼樂園電子大遊行 ~ 夢之光" (Tokyo Disneyland Electrical Parade Dreamlights). 呢個花車巡遊又係靚到不得了, 非常好睇. 同埋, 最好就係 d 日本人, 好守規矩, 好自律. 排前面的, 會乖乖地坐低, 唔會企起身, 所以就算我果日去到, 雖然排到最後排, 前面起碼有 5-6 排人. 都可以睇得好清楚.

只係, 我無做好準備功夫. 帶得一部相機, 雖然之前一晚叉足電, 但影足一日, 又無士啤電, 所以搞到睇巡遊時, 想拍 video 當然唔得啦,  連影相都差 d唔夠電, 所以唔係影左好多巡遊相, 而且, 有d 又唔夠光. 我揀左最靚果幾張 post 上嚟比大家睇. 希望大家鍾意啦.

睇完巡遊, 就只有 20 min 趕住去買紀念品,  但反而嗰處 d紀念品之中,  我無咩睇得啱, 所以好慳錢, 好似呢個三眼仔, 好得意, 原本想買, 但覺得佢太大舊, 唔想阻住個喼 d位. 所以最終都無買, 又係影下相就算.

唉 ! 原本諗住等到 20:30 睇埋個 Dreams (夢想), 即係放煙花, 等呢個迪士尼之旅, 就可完滿結束啦. 點知.....嗰日又話因天氣太大風, 不適宜放煙花. 要取消. 幾失望啊.

總結 : 日本 Disneyland 真係好大, 好靚, 好好玩, 玩足一日都唔夠. 玩唔晒. 我超級鍾意.   我一定會再去, 下次要玩今次無玩過, 無睇過嘅野. 有機會仲要去 Disneysea.

I will be back...... Disneyland !

由於去 Disneyland 嗰日, 真係由朝玩到晚, 當回程時, 搭 JR 嘅時候, 巳經好累, 所以嗰日晚餐, 只係返到新宿,  去 "康竜" 食左一碗拉麵, 價值 800 yen, 就搞掂左個晚餐.