九州溫泉之旅 --DAY 1

19 Jan 2012 to 26 Jan 2012  九州溫泉之旅 -- Day 1

由於 311 事件, 取消了原定上年 4 月初的賞櫻之旅, 等了好耐, 好耐, 我既九州之旅, 終於實現了.

航班 : KA 386 - HK 11:20 ==> FUK 15:25

當日總算順利, 準時起飛, 比原定時間還早了 10 分鐘到達了.

無驚喜的飛機餐.      

好快就過左關, 拎埋行李, 黎到呢個指定影相位.



跟著就拿拿淋, 轉出去, 見到呢個巴士站, 駁車去搭地鐵出博多站.

不過, day 1 天氣唔好.  開始落雨, 好彩一切順利.  好快我就搵到酒店, 放底行李. 爭取時間, 馬上出動.
第一件要辦既事, 就係去換 JR pass, 順便換定跟住幾日的車票.

你睇 JR 票務員, 非常認真工作

呢 d 就係我跟住幾日既 JR 車票.

搞掂車票, 就梗係醫肚啦, 都成下午 5 點幾, 我只係食左個飛機餐咋.  開啟我的第一個行程, 人氣寿司店  "ひょうたん寿司"

寿司師傅, 幾靚仔, 手勢又好.

美味的第一餐 ! 果然名不虛傳 !  好味......好味 +好味..........  (而加就回味.....回味... 再回味.......)

食飽飽, 爭取小小時間, 行下天神 d 鋪頭 & 天神地下街.

行到 d 商場收工,  就梗係要去下九州出名既 "屋台"  不過唔知係唔係 weekday 既關係. "屋台" 附近好靜. 檔口開得又唔多. 同旅遊書介紹完全不一樣.
原本想試下, 但見到冷清清, 而 d 食物又唔吸引.  再加上頭先餐寿司, 實在太美味,  食得太多, 仲好飽, 所以最終我無係屋台食野. 只係到此一遊.
** 原先對屋台好有期望, 可惜去完就有 d 失望

離開屋台,  繼續四處逛. 由於係 Day 1, 心情實在太輕奮. 唔想咁早返酒店,   所以行下書店, 行下我最愛既激安店.  睇下呢樣, 睇下果樣. 亂逛一輪.
最後去左第二個指定地方. "暖暮" 食拉麵.

暖暮, 真係好多人食. 唔係講笑. 夜晚成 10點幾, 仲要排隊 ............. 勁 !

呢碗拉麵, 雖然簡單, 但好味道........

** 食完拉麵, 我仲有一個特別任務,  就係去買 "sheba" 
"sheba" 到底係咩.  遲 d話比大家知 !

買完野. 就返酒店 ! 
是日酒店 : Hotel Sunroute Hataka.  ホテルサンルート博多
請待續 Day 2.