東京之旅 Day 2 (築地-2)

 

呢個靚仔唔駛我多講, 大家都知佢就係........咪就係 "築地" 整壽司比我食果位師傅啦.

雪櫃內有超級美味嘅甜蝦 / 赤貝 和 鮑魚.

前面果份, 就係我叫左的套餐. 3150 yen, 有 10 件, 仲有件海膽未齊.

除左果 2 件蛋, 我唔 like 之外, 其他全部都超正. 好鮮甜.

仲有呢件極品, 我的至愛 "海膽",  又係好食到不得了, 又多到滿瀉.  而加見到佢, 我都仲好想食呀.

除左以上果個餐之外, 我還加多一客 "赤貝", 又係好好食, 仲有海水味添, 肉質有爽口. HK 真係食唔到呢 d 水準呀.

隨餐附送麵豉湯, 但可能我一向都麻麻地麵豉湯, 我就覺得一般, 不過應該好飲過 HK 果 d, 無咁多味精嘅. 不過我個 friend 就話係比 HK 果 d好飲好多 .........

食飽之後, 打算離開 "築地" 時, 竟然比我偶然咁見到有水鞋買,  唔知係唔係人地用來劏魚用嘅 ??  不過我見都幾靚, 所以買左翻嚟, 準備雨季著.