東京之旅 --- 序幕

開心的時刻往往都係話咁快就溜走. 期待了很久, 很久......的東京之旅,  巳完滿結束了差不多一個月,  因一返來, 第二天就要返工, 而且部腦 upload 相又極之慢.......

所以遲遲都未有時間把這個旅程與大家分享.

Date : 30 Jan 2009 to 03 Feb 2009

Departure time : 8:35 am

Airline : Northwest

果日我未夠七點巳到機場, 由於呢班機超爆,

所以我避 up-grade 左坐 Business class, 我當然無問題, 同埋開心到飛起啦, 又舒服. 連個早餐都靚 d . 最好係坐得前, 落機又會行先, 快 d 過關.

仲有我係坐窗口位, 可以影到雲海, 幾靚 !

話咁快三個多鐘就過去,  我連埋過日本關及攞行李, 搞掂晒都未夠 2:00pm. 跟住就梗係拿拿聲去買 Narita Express (NEX) 嘅飛, 要去新宿啦.

我當然係買果隻比遊客專用最抵嘅 package,  "Suica + NEX" ==> 成 set 都係 3500yen. 當中包一程 NEX 由 airport 去新宿, 另外 Suica card 值2000yen, 包含為 1500yen 可用票值, 供在市區搭車 + 500yen 按金. 退 card 時可取回按金. (net pay 3000yen 咋)

計起嚟由 airport 去新宿都係千幾 yen. (正常NEX 單程票價要三千多 yen 呀 !)

你話抵唔抵呢 ?

下面就係 Suica card. 同 HK 嘅八達通功能差不多, 可以搭車和買野都可以用.

去新宿嘅車要 14:15pm才有. 所以要等..........