九州溫泉之旅 -- DAY 3 (昭和の町+別府温泉保養ランド)

九州溫泉之旅 -- DAY 3 (昭和の町+別府温泉保養ランド)

係門司港來去匆匆, 因為我要去趕車去一個站叫 "宇佐駅" . 呢個地方, 我見比較少人去, 而且, 在我行程中,亦是最怕找不到路的,

目的地係 : 豊後高田 ~ 高田モダン トリックアート不思議な美術館.

我要經過小倉駅轉車.  見到小倉駅掛滿紅燈籠, 好中國 feel.

終於到達宇佐駅, 在JR 駅出口直望, 就會見到呢個巴士駅.  呢度真係人影都無隻,  好彩日本出名 d 車班次準時, 等左 10 min 左右, 
見到有架除左司機, 未有乘客坐既巴士駛埋駅. 駅頭除我地 2人 + 一個嬸嬸. 就無人搭. 沿途要搭 6個駅. 途中無人上落. 好彩日光日白. 唔係你都咪話唔驚........

你睇巴士上真係無人架 !

經過大約 15min 到達豊後高田的巴士駅,  出發前做  searching時, 資料顯示, 係要到達巴士駅之後, 再要行 6-10min才可到達不可思議藝術館. 但當我落車既時候, 有 d 以為自已去左沙頭角咁樣. 四週無人, 巴士駅又係爛地.  沙塵滾滾.  我真的第一次係日本見到咁落後. 又荒蕪. 當時自已真係唔知自已去左邊個鄉下地方.

呢個就係豊後高田的巴士駅, 去片.......

為著省時. 決定唔亂打亂撞去搵路. 怕浪費時間. 因我只得 2hr多少少時間. 要趕尾班巴士回 JR駅. 所以我地決定搭
Taxi.  點知個司機見我地話去" 高田モダン
トリックアート不思議な美術館", 就一味灑手又拎頭, 起初以為佢唔識路, 見佢又打電話問, 然後對住我地雞同鴨講一輪. 隻手就係咁做交叉手勢. 只意會到佢唔去. 無辦法下唯有落車.

但我地自已又唔明, 因為直覺覺得日本人唔會因近而拒載. 佢一定有原因. 落左車, 見附近有間超市, 入去再問, 可能呢度真係太鄉下, d 店員唔識英文, 輾輾轉轉下問左 2-3人,  才有一個年青一點, 疑似經理出來. 原來"高田モダン
トリックアート不思議な美術館" 巳閉館 ! 當時, 我倆簡直想死 ! 真係晴天霹靂. 就係為著要來呢個美術館,  我把門司港行程縮短來遷就它.  點知它 "閉館"  WHY ?? 四週又荒蕪. 點算 ??

兩人在失落之下,  原本打算打道回別府啦 ! 點知, 仲要見到巴士巳離站開走.  我們只見到巴士尾. Oh no !  下班車要等 1hr. 點算 ??

咁就唯有小解一下啦. 就係呢個小解. 又比我發現了" 豊後高田市昭和の町商店街"  在廁所另一面方向. 呢處, 其實出發前, 係旅遊書見過, 都好想來, 但夾過時間上配合唔到. 我揀左去" 高田モダン トリックアート不思議な美術館"  所以原本放棄了的 " 昭和の町 " 竟然在我眼前一亮.  我當然唔會放過啦. 馬上去 Go !Go !Go!

以下呢間鋪頭,  即係昭和の町網頁內條 link 介紹呢間 "二代目餅屋清末"  我都有幫襯,  呢個店員仲好熱情. So good ! 呢個舊區, 好得意, 好多懷舊野睇. 都係我一個以外收獲.
真係 "塞翁失馬, 焉知非褔".

仲有遇到呢隻狗, 佢好 cute, 好乖. 要食蝦條架.

我好鍾意條街無人,  好寧靜, 好舒服.

玩完之後, 返回JR宇佐駅好古舊, 好簡陋, 但我 like




宇佐連車站月台都靜得緊要, 我在等車, 見到都是一遍荒蕪的 !

離開宇佐, 返回別府, 要趕去我下一站,  別府温泉保養ランド<泥浴>



去呢處又有 d驚險, 原因係我安排得太夜, 原來呢個保養場位置是在半山高,   起初當然不知道, 我地在別府轉巴士時巳是黃昏.

然後坐車,一路坐, 個天一路變黑. 但自已又感覺到架車一路上山,  我地又無電筒, 心想下車後怎算呢 ?  但不怕死的我,  到站時, 也硬著頭皮下車. 
街上只有一架汽水機 + 有幾棵樹比人掛上三幾個燈炮, 發出的微光. 心想博一博, 在附近眼見的路找找吧, 
如果真的找不到, 唯有在汽水機旁的巴士站等回頭車返去別府啦. 


又係正當我想放棄時, 見到一個簡陋門口有非常暗淡的光線射出,  我見外型有 d似我在
blog 上見過的門口, 我們二人便慢慢向它步入. (因為真的很黑, 自已連地下有咩都看不清). 慢慢行到呢個門口處, 就見到呢個牌. 馬上入去啦 ! 哈哈.

大家想像下, 門口就只得呢棧燈的光 !

玩泥浴感覺好得意,  做完 d皮膚真的變得很滑, 可值得一試, 今次之行, 我還遇上兩個日本人母女一齊浸, 大家仲交談一輪. 很開心.

 

別府温泉保養ランド 交通 : 別府西口站可乘 #5/ #9 /#41到"紺屋地獄前",別府站可乘 24號

別府温泉保養ランド
有關資料參考 :

去完泥浴, 返回別府, 去了以下這間天丼開餐.  非常美味 yummy .

今日係 昭和の町, 買左豊後高田特產的蕎麥麵, 仲有蕎麥煎餅做手信.

請待續 Day 4 -- 主打 : 黑川溫泉.

 

PS : 原來上文提到的 " 高田モダン トリックアート不思議な美術館", 回港後上網再查 不思議な美術館 人家早在 2011年9月19日巳閉館. 真激死 !!