今次嘅澳門之旅, 都算係去參觀賭場一個接一個, 去完葡京, MGM, 梗係有去威尼斯人啦. 去澳門之前巳經係人地嘅 Blog 到見過威尼斯人嘅相. 都覺得佢好靚, 去到見到實景真係好靚, 好外國 feel. 又多名店, 可以勁 Shopping.
唔信......你自己都去睇下啦. 無呃你. 
藍天與白雲, 是否好正呢 ???
呢道仲有人撐艇, 不過搵笨, 好貴......... 大家唔好做 
兩旁就係名店, 開到密麻麻. 要行街買野嘅話, 都可以行半日. 但我就無興趣行
去完威尼斯人, 今次都有再去永利, 原來永利入口前, 有個叫吉祥樹的 show time 好正, 係有乾坤的, 每隔一小時 (搭正十二開始), 大約有二十分鐘變動, 有棵金色的吉祥樹升起, 個假天花又會轉 (見下圖). 整個配合好鬼靚. 可惜............. 我第一次去的時候, 我無見過. 今次, 起初又唔知, 到走的時候, 才見到一/兩分鐘. 所以只係影到一/兩張相......真可惜..............
今次旅程最後去的一個賭埸, 叫十六蒲, 位於舊區當中, 絕對唔起眼, 我估唔多香港人知道, 因我先前都無見過佢 d 廣告. 而且, 除左佢門口呢棧燈會變色, 好似有紅,黃, 藍, 綠, 紫色. 有 d 特色之外............... 其他野, 就一 d 都比唔上其他大場, 而且, 無咩香港人去. 我估我下次都唔會去嘞.
總括來說, d 賭場都值得一去, 不過, 去澳門最好都係可以食好野, 食餐勁 !! 我今次去左二日一夜, 由早食到晚, 好開心 . 
沒有留言:
張貼留言